ابي اشكي ابي احكي

أبي أبكي من الضيقة وأبعزف للهمـوم ألحـان
أبي اطلق مواويل الحزن وبطرح كل دواوينـي

أبي أشكي أبي أحكي أبوصف للبشـر حرمـان
أبيهم كلهـم يـدرون أبيهـم يشعـروا فينـي

أبي لا من طرى أسمي بكى من لوعتي العشاق
أبي لامن طرى"عاشق" ذكر مـن كـان يغلينـي

أبيهم يذكرون أنـي صـرت بدمعتـي غرقـان
أبيهم يعرفون الهم هوأللـي صـار يخاوينـي

أبي أصرخ وأبلغهم وأقـول أن الفـرح خـوّان
يجي مرة معاي و هو طـول العمـر ناسينـي

أبي أترك لهم قصة وأخيّرهـم علـى العنـوان
يسمّوا "حزن"يحطوا "دمع" ..مـا عـاد يعنينـي

أبي لامن وصل صوتي يحس بضيقتي إنسـان
أبي لامن نزف جرحي لقيـت أللـي يداوينـي

أبي شخص يجي يمي و يقفـل للعنـا بيبـان
أبيه يكون لي خـلٍ وعلـى حزنـي يواسينـي

أبيه لمركبي مرسـى وأبيـه لغربتـي أوطـان
أبي لامن ذرفـت الدمـع لقيتـه لـي يعزّينـي

أنا ما أبيه يصبح ضلع أبيه يكون لـي أضـلاع
أبي لا من مشيت وطحت يحط يديه في يدينـي

إلامن خانني التعبير أبيـه يكـون لـي لسـاني
أبي لامن سكتْ ألقاه ..يفهم من نظـر عينـي

أبي لا من تعبت وضقت يلم الروح بالأحضـان
أبيه يكون لـي كتـاب إذا ضاعـت عناوينـي

أبي أعشق وأبي أغـرم وببنـي للهوى بنيـان
أبيه يكون مبنى ضخم ويسكـن فيـه مغلينـي

أبي واحد يسكن بي وابطـرد لأجلـه السكّـان
أبي يسكن وسط قلبـي وعمـره مـا يخلينـي

أبي أشعل شموع الحب وبأعطي من الغلا بستان
أبـي أهديـه باقـة ورد مسقيهـا شراييـنـي

أبي أشكي أبي أحكي أبوصف للبشـر حرمـان
أبيهم كلهـم يـدرون أبيهـم يشعـروا فينـي

أبي لا من طرى أسمي بكى من لوعتي العشاق
أبي لامن طرى"عاشق" ذكر مـن كـان

عوافي قلبي واصلى واحنا وراك ماننحرم من ابداعاتك

ع ـــــــــــوووافي حوووبي واصلى ياقلبي

ومااننحرم من جديدك وابداعاتك

ابي اشكي ابي احكي

ابي اشكي ابي احكي

رد: ابي اشكي ابي احكي

رد: ابي اشكي ابي احكي