باكر تموت من القهر لانسيتك

اضحك حبيبي دام وقتك مسليك ,,,,


باكر تموت من القهر لانسيتك


راسك علامك رافعه يوم أحاكيك,,,,


الظاهر إني فوق حجمك عطيتك


لحظه نبي نرجع دقيقه لماضيك ,,,,


بذكرك في أي حاله لقيتك


كان الضياع ودمعتين تخاويك,,,,


منهار وفي عز انهيارك خذيتك


وأرخصت عمري لجل أحبك وأداريك,,,,


هدمت قصر الذل فيك وبنيتك


كان الغلا شمعه تنور لياليك,,,,


لوأظلمت دنياك جيت وحتويتك


ياللأسف كنت أمدحك وأفتخرفيك ,,,,


رفعت من شانك وعليت صيتك


كنت أنت عندي غير ماأقدرأخليك ,,,,


أموت وأحيا ان قلت سم وفديتك


واليوم أشوفك خنت حتى مباديك ,,,,


صغرت في عيني وأنا اللي هويتك


الضيف لو انه عدو معاديك ,,,,


غصب عليك تقدره وسط بيتك


ياصاحبي بتموت ماني براجيك ,,,,


واشره علي ان كان حتى طريتك


لاصار ذل النفس في قلب يغليك ,,,,


يلعنك ياقلب عشقك وشريتك


اضحك حبيبي دام وقتك مسليك ,,,,


باكر تموت من القهر لانسيتك



[b][i][img][/img]

يعطيكي الف الف عااافيه لاتحرمينا من مواضيعك ومن جديدك

روعه.جدا.اشكركي.اختي.

ماهذه الكلمات الغايه في الجمال والروعه

صح لسانك أختي الكريمه ( آآهات)